పూర్తి నష్టపరిహారం చెల్లించాలి: భాజపా

నాంపల్లి ఎగ్జిబిషన్ మైదానం వద్ద భాజపా నాయకులు, కార్యకర్తలు ఆందోళన చేపట్టారు. అధికంగా దుకాణాల అనుమతులిచ్చి.. బీమా ఏర్పాట్లు చేయలేదని ఆరోపించారు.

నుమాయిష్ అగ్ని ప్రమాద ఘటన నిర్వాహకుల నిర్లక్ష్యం వల్లే జరిగిందని భాజపా నాయకులు ఆరోపించారు. ఎమ్మెల్సీ రామచందర్ రావు తమ కార్యకర్తలతో కలసి ఎగ్జిబిషన్ వద్ద ఆందోళన చేపట్టారు. బాధితులకు పూర్తి నష్ట పరిహారం ఇవ్వాలని డిమాండ్ చేశారు. కంటి తుడుపు చర్యగా సిగరెట్ వల్ల ప్రమాదం జరిగిందనటం సరికాదన్నారు. పొలీసులు ఆందోళనకారులను అడ్డుకుని స్టేషన్​కు తరలించారు.