ఐపీఎల్(IPL 2021) 14వ సీజన్ రెండో దశ కోసం దుబాయ్ వేదికగా ముంబయితో తలపడేందుకు చెన్నై సూపర్ కింగ్స్ సిద్ధమవుతోంది. ఈ మేరకు గురువారం దుబాయ్లోని ఐసీసీ క్రికెట్ అకాడమీలో ట్రైనింగ్ ప్రారంభించింది సీఎస్కే.
చెన్నై, ముంబయి జట్లు ఆరు రోజుల పాటు క్వారంటైన్లో ఉన్నట్లు క్రికెట్ వర్గాలు పేర్కొన్నాయి. "ఇరు జట్లు క్వారంటైన్ కాలాన్ని విజయవంతంగా పూర్తి చేశాయి. శిక్షణ ప్రారంభించేందుకు సిద్ధంగా ఉన్నాయి. గురువారం రాత్రి దుబాయ్లోని ఐసీసీ క్రికెట్ అకాడమీలో సీఎస్కే ట్రైనింగ్ ప్రారంభించింది. ముంబయి జట్టు షేక్ జయేద్ మైదానంలో శుక్రవారం నుంచి శిక్షణ ప్రారంభించనుంది" అని క్రికెట్ వర్గాలు తెలిపాయి.
ఇతర జట్లు కూడా ఐపీఎల్ కోసం దుబాయ్కు బయలుదేరనున్నాయి. శనివారం ఉదయం దిల్లీ క్యాపిటల్స్ జట్టు దుబాయ్ వెళ్లనున్నట్లు ఆ ఫ్రాంచైజీకి చెందిన ఓ అధికారి స్పష్టం చేశారు. ఇప్పటికే శ్రేయస్ అయ్యర్.. ఫిట్నెస్ కోచ్తో దుబాయ్ చేరుకున్నట్లు వెల్లడించారు. ఇతర ఆటగాళ్లు కూడా దుబాయ్ వెళ్లి వారం పాటు క్వారంటైన్లో ఉండనున్నట్లు తెలిపారు.
కరోనా కారణంగా ఈ ఐపీఎల్ సీజన్ అర్ధాంతరంగా నిలిచిపోయింది. సెప్టెంబర్ 19న దుబాయ్లో చెన్నై, ముంబయి జట్ల మధ్య రెండో దశ తొలిపోరు జరగనుంది.
ఇదీ చదవండి:IPL 2022: వచ్చే ఐపీఎల్లో 10 జట్లు ఖాయం!
