రామోజీ ఫిల్మ్సిటీలో చిత్రీకరణలు పునఃప్రారంభం
లాక్డౌన్తో రెండున్నర నెలలుగా మూతపడిన సినీ, టెలివిజన్ పరిశ్రమలకు తెలంగాణ ప్రభుత్వం ఇటీవల జారీ చేసిన ఉత్తర్వులతో ఊరట లభించింది. సగం పూర్తయిన సినిమాలు, అర్ధాంతరంగా నిలిచిపోయిన టెలివిజన్ ధారావాహికలు చిత్రీకరణ చేసుకోవచ్చన్న అనుమతుల మేరకు ప్రఖ్యాత రామోజీ ఫిల్మ్సిటీలో చిత్రీకరణల సందడి మొదలైంది. ఈటీవీలో ప్రసారమయ్యే 'సీతమ్మ వాకిట్లో సిరిమల్లె చెట్టు' ధారావాహిక చిత్రీకరణను పునఃప్రారంభించారు. పరిమిత సంఖ్యలో సిబ్బందితో ఎం-సిటీలోని ఓ ఇంట్లో చిత్రీకరణ చేశారు. కొవిడ్-19 మార్గదర్శకాలు పాటిస్తూ షూటింగ్ చేయడం.. ఆ ధారావాహికలో నటిస్తోన్న నటీనటుల్లో ధైర్యాన్ని నింపింది. లాక్డౌన్ అనంతరం తొలిసారిగా రామోజీ ఫిల్మ్సిటీలో జరుగుతున్న చిత్రీకరణలపై ఈటీవీ భారత్ ప్రత్యేక కథనం.
సీరియల్ చిత్రీకరణలో పాటిస్తున్న జాగ్రత్తలు
- చిత్రీకరణ జరిపే లొకేషన్ బయట, లోపల పూర్తిగా శానిటైజ్ చేశారు.
- సెట్లోకి వచ్చే సిబ్బంది, నటీనటులకు థర్మల్ స్క్రీనింగ్ చేశారు.
- శరీర ఉష్ణోగ్రతల నమోదుతోపాటు శానిటైజర్, మాస్క్లు పంపిణీ చేశారు.
- సెట్లో డిస్ ఇన్ ఫెక్షన్ టన్నెల్ ఏర్పాటు చేశారు.
- చిత్రీకరణకు ఉపయోగించే కెమెరాలు, ఇతరత్రా వస్తువులను శానిటైజ్ చేశారు.
- నటీనటులకు మేకప్ విషయంలో వ్యక్తిగత సిబ్బంది పీపీఈ కిట్లు ధరించారు.
- పలువురు నటీనటులు వ్యక్తిగత మేకప్కు ప్రాధాన్యత ఇచ్చారు.
- అల్పహారం, భోజన విరామ సమయంలో భౌతిక దూరం పాటించారు.
- పలువురు నటీనటులు, సిబ్బంది వ‌్యక్తిగతంగా ఆహారంతోపాటు మంచినీళ్లు తెచ్చుకున్నారు.
- చిత్రీకరణ సమయంలో భౌతిక దూరాన్ని పాటిస్తూ నటించారు.
- నటీనటులతోపాటు సెట్లో ఉన్న సిబ్బంది మాస్క్ లు, హ్యాండ్ గ్లౌజ్లు ధరించారు.
- 20 నుంచి 30 మందితోనే రోజంతా చిత్రీకరణ కొనసాగించారు.డిన్ ఇన్ఫెక్షన్ టన్నెల్
ఆర్టిస్టులకు శానిటైజర్లు, మాస్కుల పంపిణీ
