మెగాస్టార్ ప్రధాన పాత్రలో ఉయ్యాలవాడ నరసింహారెడ్డి జీవితం ఆధారంగా రూపొందిన చిత్రం 'సైరా నరసింహారెడ్డి'. ఈ సినిమా వచ్చే నెల 2న విడుదలకు సిద్ధమౌతోంది. ఈ సినిమాలో కీలకపాత్రలో కనిపించారు బాలీవుడ్ సూపర్ స్టార్ అమితాబ్ బచ్చన్. సైరాలో నటించిన ఈ స్టార్ హీరో... పైసా కూడా పారితోషకం తీసుకోలేదట. చిరుతో ఉన్న అనుబంధం వల్లే ఇందులో నటించేందుకు ఒప్పుకున్నట్లు సమాచారం.
ఈ చిత్రంలో అమితాబ్ 'సైరా' గురువు గోసాయి వెంకన్నగా కనిపించనున్నారు. ఇందులో నయనతార, సుదీప్, విజయ్ సేతుపతి, జగపతిబాబు, తమన్నా, నిహారిక, బ్రహ్మాజీ తదితరులు కీలకపాత్రలు పోషించారు. అమితా త్రివేది సంగీతం అందించిన ఈ చిత్రాన్ని.. కొణిదెల ప్రొడక్షన్ కంపెనీ పతాకంపై రామ్చరణ్ నిర్మించాడు. తెలుగుతో పాటు తమిళం, కన్నడ,మలయాళ, హిందీ భాషల్లో ప్రేక్షకుల ముందుకు రానుంది.
