తమిళ స్టార్స్, రియల్ లైఫ్ బ్రదర్స్ సూర్య, కార్తి కలిసి ఒకే సినిమా కోసం పనిచేయనున్నారు. అయితే కలిసి నటించడం కాదు.. ఒకరేమో నిర్మాతగా వ్యవహరించనుండగా.. మరొకరు తెరపై కనువిందు చేయనున్నారు.
ముత్తయ్య దర్శకత్వంలో 'విరుమన్'(Karthi new movie) అనే ఫ్యామిలీ ఎంటర్టైనర్ సినిమా చేయనున్నారు కార్తి. ఈ చిత్రాన్నే సూర్య నిర్మించనున్నారు. ఈ విషయాన్ని ఆయనే అధికారికంగా ప్రకటించారు. 2022లో థియేటర్లలో విడుదలవుతుందని చెప్పారు. కాగా, ఈ చిత్ర షూటింగ్ నేడు(సెప్టెంబరు 6) పూజాకార్యక్రమాలతో లాంఛనంగా ప్రారంభమైంది. ఈ మూవీతో ప్రముఖ దర్శకుడు శంకర్ కుమార్తె అదితి శంకర్ వెండితెర అరంగేట్రం చేయనున్నారు. ప్రకాశ్రాజ్, సూరి, రాజ్ కిరణ్ కీలక పాత్ర పోషించనున్నారు. యువన్ శంకర్ రాజా స్వరాలు సమకూర్చనున్నారు. 2015లో కార్తి-ముత్తయ్య కాంబోలో విడుదలైన 'కొంబన్' సినిమా సూపర్హిట్గా నిలిచింది.
సూర్య(surya produced movies) ఈ చిత్రంతో పాటు 'రామె ఆన్దాలుమ్ రావనె ఆన్దాలుమ్', 'ఉడన్పిరప్పె', 'జై భీమ్', 'ఓ మై డాగ్' సినిమాలను నిర్మిస్తున్నారు. 'రాకెట్రీ', 'జై భీమ్', 'ఎథార్క్కుమ్ థునిన్ధావన్' సహా మరో చిత్రంలోనూ నటిస్తున్నారు.
ఇదీ చూడండి: 'నవరస' మేకింగ్ వీడియో చూసేయండి!
