'వి', 'టక్ జగదీష్', 'శ్యామ్‌ సింగరాయ్‌'... యువ కథానాయకుడు నాని కొత్త సినిమాల జాబితా ఇది. అంతా అనుకున్నట్టు జరిగుంటే ఈ ఏడాదిలోనే ఈ మూడు చిత్రాలు ప్రేక్షకుల ముందుకొచ్చేవి. కానీ కరోనాతో వచ్చిన విరామం అన్ని సినిమాలపైనా ప్రభావం చూపించింది. అయినా సరే... నాని ఈ ఏడాది మరో కొత్త సినిమా ముచ్చటని వినిపించబోతున్నారు.
యువ దర్శకుడు వివేక్ ఆత్రేయ చెప్పిన కథ నానికి నచ్చింది. ఈ ఏడాది చివరలో వీరి కలయికలో సినిమా ఆరంభం కాబోతోంది. మైత్రీ మూవీ మేకర్స్‌ నిర్మించబోతోంది. 'మెంటల్‌ మదిలో', 'బ్రోచేవారెవరురా' చిత్రాలతో ఆకట్టుకున్న వివేక్ ఆత్రేయతో నాని సినిమా చేస్తుండడం ఆసక్తిని రేకెత్తిస్తోంది.
ఈ ఏడాది మార్చిలో విడుదలవ్వాల్సిన 'వి' సినిమా కరోనా లాక్డౌన్ కారణంగా వాయిదా పడింది. ఇందులో నాని నెగటివ్రోల్ పోషించారు. మరో చిత్రం 'టక్ జగదీష్'లో నేచురల్ స్టార్ భగ్న ప్రేమికుడిగానూ పోలీస్ పాత్రలో కనువిందు చేయనున్నాడని సమాచారం. శివ నిర్వాణ దర్శకత్వం వహిస్తున్న ఈ సినిమాలో నాని సరసన రీతూ వర్మ, ఐశ్వర్య రాజేశ్ నటిస్తున్నారు.
ఇదీ చూడండి.. ట్వీట్‌తో కొత్త చిత్రంపై క్లూ ఇచ్చేశాడా!
