ఒక సినిమా పూర్తవుతుందనగానే మరో సినిమాను ప్రకటిస్తాడు నేచురల్ స్టార్ నాని. గతేడాది 'జెర్సీ' 'గ్యాంగ్ లీడర్' సినిమాలతో ప్రేక్షకుల ముందుకొచ్చి, హిట్లు అందుకున్నాడు. ప్రస్తుతం ఇంద్రగంటి మోహన్‌ కృష్ణ దర్శకత్వంలో 'వి', శివ నిర్వాణ దర్శకత్వంలో 'టక్ జగదీష్'లో నటిస్తూ బిజీగా ఉన్నాడు. వీటితో పాటే మరో చిత్రాన్ని ఇటీవలే అంగీకరించాడు. ఆ ప్రాజెక్టుకు సంబంధించిన క్రేజీ న్యూస్ ఇప్పుడు హాట్ టాపిక్గా మారింది.
ఏఆర్ రెహమాన్తో
ఈ చిత్రానికి ఏ.ఆర్.రెహమాన్ సంగీతమందించనున్నారని టాక్. ప్రస్తుతం అతడితో చిత్రబృందం చర్చలు జరుపుతోందట. ఈ సినిమాను పూర్వ‌జ‌న్మ‌ల నేప‌థ్యంలో సాగే ప్రేమ‌క‌థ‌గా చూపించ‌బోతున్నారని సమాచారం. సితార ఎంట‌ర్‌టైన్‌మెంట్స్ బ్యాన‌ర్‌పై సూర్య‌దేవ‌ర నాగ‌వంశీ నిర్మిస్తున్నారు. రాహుల్ సంక్రిత్యాన్ దర్శకత్వం వహించనున్నాడు.
ఇదీ చూడండి.. ఆ మూడు రోజులు 24x7 నాన్స్టాప్ షోలు
