Maheshbabu Saipallavi movie: సూపర్స్టార్ మహేశ్బాబు-హీరోయిన్ సాయిపల్లవి కలిసి నటించనున్నారా అంటే అవుననే సినీవర్గాల నుంచి వినిపిస్తోంది. అయితే హీరోహీరోయిన్లుగా కాదండోయ్ అన్నా చెల్లెలుగా అని సమాచారం అందుతోంది.
మహేశ్-త్రివిక్రమ్ కాంబోలో త్వరలోనే ఓ సినిమా తెరకెక్కనుందని కొంతకాలంగా ప్రచారం సాగుతోంది. ఈ మూవీ సిస్టర్ సెంటిమెంట్తో రూపొందనుందని తెలిసింది. చెల్లిలి పాత్రకు అధిక ప్రాధాన్యం ఉందట! అందుకే మహేశ్కు సోదరిగా సాయిపల్లవిని తీసుకోవాలని చిత్రబృందం భావిస్తోందని తెలిసింది.
అయితే ఇదివరకు మెగాస్టార్ చిరంజీవి 'భోళాశంకర్' చిత్రంలో చిరుకు సోదరిగా నటించే అవకాశాన్ని వదులుకుంది సాయిపల్లవి. ఈ విషయాన్ని ఆమెనే స్వయంగా వెల్లడించింది. మరి మహేశ్కు చెల్లిలిగా ఒప్పుకుంటుందో లేదో వేచి చూడాలి.
ఇక ఈ సినిమాలో పూజాహెగ్డే హీరోయిన్గా నటించనుంది. మరో కథానాయికను ఎంపిక చేసే ప్రక్రియలో చిత్రబృందం ఉందని తెలిసింది. ఈ సినిమా రెగ్యులర్ షూటింగ్ ఏప్రిల్ నుంచి ప్రారంభంకానుందట!
ఇదీ చూడండి: సెగలు పుట్టిస్తున్న హాలీవుడ్ భామ పోజులు!
