ఎల్లప్పుడూ వినియోగదారులకు కొత్త కొత్త అప్డేట్స్ ఇస్తూ వారిని ఆకర్షిస్తుంటుంది ప్రముఖ సోషల్ మీడియా ప్లాట్ఫామ్ వాట్సాప్. తాజాగా మరోసారి ఓ సరికొత్త ఫీచర్తో(whatsapp new features) రాబోతుంది. దీంతో వినియోగదారులు వారి ఫొటోలను స్టిక్కర్లుగా మార్చుకునే సదుపాయాన్ని కల్పించనుంది. ఇప్పటికే ఈ సౌకర్యాన్ని థర్డ్ పార్టీ యాప్లతో అందిస్తున్న వాట్సాప్.. తాజా నిర్ణయంతో బయట యాప్లపై వినియోగదారులు ఆధారపడుకుండా అందులోనే తయారు చేసుకోవచ్చని వాబీటాఇన్ఫో తెలిపింది.
ఎలా పని చేస్తుంది?
యూజర్లు యాప్‌లో కొత్త చిత్రాన్ని అప్‌లోడ్ చేసేటప్పుడు క్యాప్షన్ బార్ పక్కన కొత్త స్టిక్కర్ ఐకాన్ ఉంటుంది. దానిని ఎంచుకున్నప్పుడు ఆ ఇమేజ్ను ఫొటోలా పంపాలా? లేక స్టిక్కర్లా పంపాలా? అనేది యూజర్ నిర్ణయిస్తాడు. అయితే ఈ సదుపాయం ప్రస్తుతం అందుబాటులోకి రాలేదు. ఇది ఇంకా అభివృద్ధి దశలోనే ఉంది. దీనిని డెస్క్టాప్ వినియోగదారులకు కూడా అందుబాటులోకి తీసుకొచ్చేందుకు ప్రయత్నిస్తోంది. ఈ ఫీచర్ 2.2137.3 డెస్క్టాప్ బీటా వెర్షన్‌లో అందుబాటులో ఉన్నట్లు వాబీటాఇన్ఫో పేర్కొంది.
డెస్క్టాప్ వినియోగదారుల కోసం గత నెలలో వాట్సాప్ బీటా వెర్షన్ను విడుదల చేసింది. ఇందులో కొన్ని కొత్త ఫీచర్లను పరీక్షించింది. ఈ వెర్షన్ను విండోస్, మ్యాక్ఓఎస్ వినియోగదారులకు అందుబాటులో ఉంచింది.
ఇదీ చూడండి: Android 12: ఆండ్రాయిడ్ కొత్త వెర్షన్.. రిలీజ్ ఎప్పుడంటే?
