WhatsApp Latest Feature 2023 : వాట్సాప్ తన యూజర్ల కోసం మరో అదిరిపోయే (WhatsApp Multi account feature) ఫీచర్ను తీసుకొచ్చింది. ఇకపై యూజర్లు ఒకే యాప్లో.. రెండు వేర్వేరు వాట్సాప్ ఖాతాలను వినియోగించుకునే విధంగా సరికొత్త ఫీచర్ను అందుబాటులోకి తెచ్చింది.
క్లోనింగ్ యాప్స్తో పనిలేదు!
WhatsApp cloning apps : ఇప్పటి వరకు యూజర్లు ఒక ఫోన్లో కేవలం ఒకే వాట్సాప్ ఖాతాను వినియోగించుకోగలుగుతున్నారు. లేదంటే.. క్లోనింగ్ యాప్స్ ఉపయోగిస్తున్నారు. దీని వల్ల భద్రతా పరమైన సమస్యలు ఎదురవుతున్నాయి. అందుకే కొందరు కొందరు రెండు వాట్సాప్ ఖాతాలను యాక్సెస్ చేసేందుకు రెండు ఫోన్లు ఉపయోగిస్తున్నారు. అందుకే ఈ ఇబ్బందికి చెక్ పెడుతూ వాట్సాప్ ఈ సరికొత్త (WhatsApp Multi account feature) ఫీచర్ను అందుబాటులోకి తెచ్చింది. దీనితో యూజర్లు ఒకే వాట్సాప్ యాప్లో రెండు వేర్వేరు ఖాతాలను నిర్వహించుకోవచ్చు.
ఒకే యాప్లో రెండు ఖాతాలు
WhatsApp Multi account feature : వాట్సాప్ మల్టీ అకౌంట్ ఫీచర్ అందుబాటులోకి వచ్చిన వారు.. తమ వాట్సాప్ ఖాతాలో క్యూఆర్ కోడ్ ఆప్షన్ వద్ద యారో (బాణం) గుర్తు సాయంతో మరో అకౌంట్ని యాడ్ చేసుకోవచ్చు. అంటే రెండు వాట్సాప్ ఖాతాల మధ్య చాలా సులభంగా స్విచ్ కావచ్చు. దీని వల్ల ఒకే సమయంలో ఒక ఖాతాలో వ్యక్తిగత సంభాషణలు చేయవచ్చు. మరో ఖాతా వృత్తి, ఉద్యోగ పరమైన సంభాషణలు జరపవచ్చు.
WhatsApp Latest Security Features : ప్రస్తుతం ఈ వాట్సాప్ మల్టీ అకౌంట్ ఫీచర్ బీటా యూజర్లకు మాత్రమే అందుబాటులో ఉంది. త్వరలోనే ఇది మిగతా యూజర్లకు కూడా అందుబాటులోకి రానుంది. వాట్సాప్ ఇప్పటికే లాక్ చాట్, స్క్రీన్ షేరింగ్, మల్టీ డివైజ్ ఫీచర్లను అందుబాటులోకి తెచ్చింది. ఇంకా ఎన్నో భద్రతా పరమైన ఫీచర్లను కూడా నిరంతరాయంగా అప్డేట్ చేస్తోంది.
ప్రముఖ మెసేజింగ్ యాప్ వాట్సాప్ తన వినియోగదారుల కోసం ఎప్పటికప్పుడు సరికొత్త ఫీచర్లను తీసుకొస్తోంది. తాజాగా గూగుల్ మీట్, జూమ్ తరహాలో వాట్సాప్ వీడియో కాలింగ్ ఫెసిలిటీని అందుబాటులోకి తెచ్చింది. అలాగే వాట్సాప్ గ్రూప్లో ఆరోగ్యకరమైన వాతావరణం కల్పించేందుకు.. వాట్సాప్ అడ్మిన్ రివ్యూ ఫీచర్ను కూడా అందుబాటులోకి తెచ్చింది. దీని ద్వారా గ్రూప్ చాట్లో ఎవరైనా అసభ్యకరమైన, అభ్యంతరకరమైన మెసేజ్లు పెడితే, వాటిని గ్రూప్ అడ్మిన్లు డిలీట్ చేయగలుగుతారు.
200% ఫాంట్ సైజ్.. స్క్రీన్ ఫ్లాష్ నోటిఫికేషన్.. సూపర్ ఫీచర్స్తో 'ఆండ్రాయిడ్ 14' రెడీ!
