ఒప్పో సంస్థ తాజాగా రెనో 4 ప్రోను మార్కెట్లోకి ప్రవేశపెట్టింది. ఆగస్టు 5నుంచి వీటి అమ్మకాలు ప్రారంభం కానున్నాయి. నాలుగు కెమెరాలతో వచ్చే ఈ స్మార్ట్ఫోన్ ధర రూ. 34,990గా నిర్ణయించింది.
36 నిమిషాల్లోనే ఫోన్ను 100 శాతం ఛార్జ్ చేయనున్నట్లు ప్రకటించింది సంస్థ. అత్యాధునికమైన కర్వ్డ్ డిస్ప్లేతో స్మార్ట్ఫోన్ ప్రియుల మనసు దోచేస్తోంది రెనో 4 ప్రో.
ఫీచర్లు
- 8జీబీ ర్యామ్, 128జీబీ ఇంటర్నల్ స్టోరేజ్
- వెనకవైపు నాలుగు కెమెరాలు(48ఎంపీ, 8ఎంపీ, 2ఎంపీ, 2ఎంపీ సెన్సార్లు)
- 32 ఎంపీ సెల్ఫీ కెమెరా
- కలర్ ఓఎస్ 7.2
- 65 వాట్ సూపర్వూక్ 2.0తో 4000 ఎంఏహెచ్ బ్యాటరీ
- హిడెన్ ఫింగర్ప్రింట్ అన్లాక్ 4.0
- 6.5 అంగుళాల సూపర్ అమోలెడ్ 3డీ బార్డర్లెస్ సెన్స్ స్క్రీన్
స్మార్ట్ వాచ్
ఫోన్తో పాటు తొలిసారి స్మార్ట్వాచ్ను ఆవిష్కరించింది ఒప్పో. 1.91 అంగులాల అమోలెడ్ తెరతో వాచ్ను రూపొందించింది. 3డీ ఫ్లెక్సిబుల్ డ్యూయల్ కర్వ్డ్ తెరను ఏర్పాటు చేసింది.
గూగుల్ అభివృద్ధి చేసిన వియర్ ఓఎస్తో పనిచేస్తుంది ఈ స్మార్ట్ వాచ్. 46ఎంఎం వాచ్ ధర రూ.19,999 కాగా.. 41ఎంఎం ధర రూ. 14,999గా నిర్ణయించింది. ఆగస్టు 10 నుంచి ఈ స్మార్ట్ఫోన్లు మార్కెట్లోకి అందుబాటులోకి వస్తాయి. ఆగస్టు 5 నుంచి 7 మధ్య రెనో 4 ప్రోను కొంటే ఒప్పో స్మార్ట్ వాచ్పై రూ. 2 వేలు డిస్కౌంట్ లభిస్తుందని ప్రకటించింది సంస్థ.
