నేపాల్ కాంగ్రెస్ అధ్యక్షుడు షేర్ బహదూర్ దేవ్ బా.. ఐదోసారి ఆ దేశ ప్రధానమంత్రిగా నియమితులయ్యారు. ఈ మేరకు నేపాల్ రాష్ట్రపతి విద్యాదేవి భండారీ.. రాత్రి 8 గంటల సమయంలో దేవ్ బాతో ప్రమాణస్వీకారం చేయించారు.
షేర్ బహదూర్ను ప్రధానమంత్రిగా నియమించాలని ఆ దేశ సర్వోన్నత న్యాయస్థానం.. రాష్ట్రపతిని సోమవారమే ఆదేశించింది. మేలో పార్లమెంటును రద్దు చేస్తూ.. రాష్ట్రపతి తీసుకున్న నిర్ణయం రాజ్యాంగానికి విరుద్ధమని సుప్రీంకోర్టు తీర్పు వెలువరించింది. జులై 18 సాయంత్రం 5 గంటలకు కొత్త పార్లమెంటును సమావేశ పర్చాలని రాష్ట్రపతికి దిశానిర్దేశం చేసింది.
ఈ మేరకు దేవ్ బాను ప్రధానిగా నియమిస్తూ.. విద్యాదేవి భండారీ ఉత్తర్వులు ఇచ్చారు. ప్రధాని బాధ్యతలు చేపట్టినప్పటి నుంచి 30 రోజుల్లో ఆయన పార్లమెంట్‌లో తన బలాన్ని నిరూపించుకోవాల్సి ఉంటుంది.
ఇవీ చదవండి:
