ఐకాన్స్టార్ అల్లుఅర్జున్ అభిమానులకు గుడ్న్యూస్ వచ్చేసింది. ఎంతో ఆసక్తిగా ఎదురుచూస్తున్న పుష్ప 2 నుంచి అదిరిపోయే అప్డేట్ వచ్చింది. ఎప్పుడెప్పుడూ షూటింగ్ షురూ అవుతుందా అని ఎదురుచూస్తున్న వారి నిరీక్షణకు తెరపడింది. చిత్రీకరణ ప్రారంభమైంది. ఈ విషయాన్ని నిర్మాణ సంస్థ మైత్రీ మూవీ మేకర్స్ సోషల్మీడియాలో తెలుపుతూ ఓ ఫొటోను పోస్ట్ చేసింది. 'పుష్ప ది రూల్ వర్క్ ఫుల్ స్వింగ్లో ఉంది' అని వ్యాఖ్య రాసుకొచ్చింది. ఇందులో దర్శకుడు సుకుమార్, సెలబ్రిటీ ఫొటోగ్రాఫర్ అవిగో వారికర్తో పాటు మిగతా చిత్రబృందం ఉంది. మొత్తం టీమ్ ఔట్పుట్ను బెస్ట్ ఇచ్చేందుకు తమ వంతుగా ప్రయత్నిస్తున్నారు అని మూవీటీమ్ పేర్కొంది.
సింహంతో పోరాటం.. అయితే ఈ సినిమాలో ఓ అదిరిపోయే పోరట సన్నివేశం ఉందని ప్రచారం సాగుతోంది. ఇంటర్వెల్ ముందు సింహంతో బన్నీ ఫైట్ చేస్తాడని అంటున్నారు. అల్లు అర్జున్ అడవిలో తన టీమ్తో గంధపు చెక్కల కోసం వెళ్తుండగా.. ఓ సింహం వారిపై దాడి చేయడానికి ప్రయత్నిస్తుందట. అప్పుడు బన్నీ ఆ సింహంతో పోరాడి తన వాళ్లని కాపాడుతాడట. ఈ సీన్ అదిరిపోయేలా తీసేందుకు ప్లాన్ చేస్తున్నారని తెలిసింది. అయితే దీని కోసం ట్రైనింగ్ ఇచ్చిన నిజమైన సింహాంతోనే షూటంగ్ జరపాలని మూవీటీమ్ భావిస్తోందట. అయితే ఈ సన్నివేశం ఆర్ఆర్ఆర్ ఎన్టీఆర్ టైగర్ ఫైట్కు పోలిక ఉండకుండా దానిని మించి తీయాలని ఫైట్ మాస్టర్స్తో చర్చలు జరుపుతున్నారట. ఈ విషయం తెలిసిన బన్నీ ఫ్యాన్స్ ఆనందంలో ముగినిపోయారు.
ఇదీ చూడండి: వారికి సంఘీభావంగా జుట్టు కత్తిరించుకున్న ఊర్వశి.. కానీ బుక్ అయిందిగా!
