'ద్వాదశాదీత్యుడి'గా ఖైరతాబాద్​ మహాగణనాథుడు

వినాయక చవితి పండుగ అనగానే తెలుగు ప్రజల మదిలో మెదిలేది ఖైరతాబాద్​ గణేశ్​. భారీ ఆకారంలో అత్యద్భుతంగా దర్శనం ఇచ్చే ఈ గణపతికి దేశవ్యాప్తంగా ప్రత్యేక గుర్తింపు ఉంది. ఈ ఏడాది ఖైరతాబాద్​ మహాగణనాథుడు ద్వాదశాదీత్యుడి రూపంలో దర్శనమివ్వనున్నాడు.

ఈసారి ద్వాదశాదీత్యుడి రూపంలో దర్శనమివ్వనున్న ఖైరతాబాద్​ మహాగణనాథుడి నిర్మాణం దాదాపుగా పూర్తయింది. ప్రస్తుతం పెయింటింగ్​ పనులు జరుగుతున్నాయి. ఈనెల 26లోపు పనులన్నీ పూర్తి చేస్తామని.. వినాయకచవితికి ఒక్కరోజు ముందు స్వామివారి నుంచి కర్రలను తొలగిస్తామని ప్రముఖ శిల్పి సుదర్శన్​ తెలిపారు. 12 తలలు, ఏడు అశ్వాలు, 12 సర్పాలతో.. 61 అడుగుల ఎత్తులో భారీ గణపతిని రూపొందిస్తున్నామన్నారు. ఈ రూపంలో వినాయకుణ్ని కొలిస్తే సకాలంలో వర్షాలు పడతాయని, అందరికీ మంచి చేకూరుతుందని సిద్ధాంతి గౌరిపట్ల విఠల శర్మ తెలిపారని చెప్పారు. అత్యంత ప్రతిష్ఠాత్మకంగా రూపుదిద్దుకుంటున్న 61 అడుగుల మహాగణపయ్య నిర్మాణం, విగ్రహ విశిష్టత, ఏర్పాట్ల గురించి మరిన్ని వివరాలు ఈటీవీ భారత్​ ప్రతినిధి ప్రవీణ్​ కుమార్​ అందిస్తారు...

• ఇదీ చూడండి : స్విగ్గీలో బీర్​.. అడ్డంగా దొరికిపోయిన చోర్​!