స్టాక్ మార్కెట్లు బుధవారం నష్టాల్లో ముగిశాయి. బీఎస్ఈ సెన్సెక్స్(Sensex today) 314 పాయింట్లు కోల్పోయి 60,008 వద్ద సెషన్ను ముగించింది. జాతీయ స్టాక్ ఎక్స్చేంజ్ సూచీ నిఫ్టీ(Nifty today) 101 పాయింట్ల నష్టంతో 17,898 వద్ద స్థిరపడింది.
అంతర్జాతీయ ప్రతికూల సంకేతాలకు తోడు.. దేశీయంగా ఎలాంటి సానుకూల పరిణామాలు లేకపోవడం వల్ల స్టాక్మార్కెట్లు నష్టాల బాట పట్టాయి. ఒక దశలో పుంజుకున్నట్లు కనిపించినా.. చివరకు నష్టాలను నమోదు చేశాయి.
ఆటోమొబైల్, విద్యుత్ రంగాలు లాభాలను నమోదు చేశాయి.
ఇంట్రాడే సాగిందిలా..
60,179 వద్ద ప్రారంభమైన సెన్సెక్స్ 60,426 పాయింట్ల అత్యధిక స్థాయిని నమోదు చేసింది. అయితే నష్టాలు కొనసాగడం వల్ల ఒకానొక దశలో 60,029 పాయింట్ల కనిష్ఠానికి చేరుకుంది.
నిఫ్టీ 17,939 వద్ద ప్రారంభమై.. 17,906 వద్ద కనిష్ఠాన్ని తాకింది. వెంటనే పుంజుకుని 18,022 గరిష్ఠాన్ని అందుకుంది.
ఆటోమొబైల్, బ్యాంకింగ్, ఫార్మా రంగాలు మార్కెట్ నష్టాలపై ప్రభావం చూపించాయి.
లాభనష్టాలు..
- మారుతీ, ఏషియన్ పెయింట్స్, పవర్గ్రిడ్, ఐటీసీ, ఎన్టీపీసీ, ఇండస్ఇండ్ బ్యాంక్, టెక్ మహీంద్ర షేర్లు లాభాలను గడించాయి.
- యాక్సిస్ బ్యాంక్, రిలయన్స్, కోటక్ మహీంద్రా, భారతీ ఎయిర్టెల్, హెచ్డీఎఫ్సీ బ్యాంక్, టైటాన్ షేర్లు నష్టాలను చవిచూశాయి.
ఇదీ చూడండి: 72 విమానాలు కొంటున్న ఝున్ఝున్వాలా.. ఎందుకంటే?
