Tesla recalls: 8 లక్షల కార్లను రీకాల్​ చేసిన టెస్లా.. కారణమిదే!

Tesla recalls: ఎలక్ట్రిక్​ వాహనాల తయారీ సంస్థ టెస్లా భారీ ఎత్తున కార్లను రీకాల్​ చేసింది. కారు స్టార్ట్​ అయినప్పుడు సీట్ బెల్ట్ రిమైండర్​లో సమస్య తలెత్తడం వల్ల 8.17 లక్షల కార్లను కంపెనీ వెనక్కి పిలిపిస్తోంది.

Tesla recalls: అమెరికాకు చెందిన ప్రముఖ విద్యుత్​ వాహనాల తయారీ సంస్థ టెస్లాకు పెద్ద ఎదురుదెబ్బ తగిలింది. నిన్నకాక మొన్న.. సెల్ఫ్​ డ్రైవింగ్​ సాఫ్ట్​వేర్​లో సమస్య తలెత్తడం వల్ల 54 వేల కార్లను వెనక్కి పిలిపించిన టెస్లా.. తాజాగా 8.17 లక్షలకుపైగా కార్లను రికాల్​ చేస్తోంది.

వాహనాలు స్టార్ట్​ అయినప్పుడు సీట్​బెల్ట్ రిమైండ్​ చేయడంలో సమస్య తలెత్తడం వల్లే వాహనాలను వెనక్కి పిలిపిస్తోంది. టెస్లా రీకాల్​ చేసిన కార్లలో మోడల్ ఎస్​ సెడాన్​, మోడల్​ ఎక్స్ ఎస్​యూవీ, మోడల్​ 3, మోడల్ వై ఎస్​యూవీ వాహనాలు ఉన్నాయి. ఈ సమస్యను తక్షణమే పరిష్కరించనున్నట్లు టెస్లా పేర్కొంది.

ఇదీ చూడండి: రెడ్​ సిగ్నల్ జంప్.. ఖాళీ రోడ్డుపై సడెన్ బ్రేక్.. చుక్కలు చూపిస్తున్న టెస్లా కార్లు!