దమణ్ దీవ్, దాద్రానగర్ హవేలీలో నాలుగు రోజుల పర్యటనలో భాగంగా దీవ్లో పలు అభివృద్ధి ప్రాజెక్టులకు శంకుస్థాపన చేశారు రాష్ట్రపతి రామ్నాథ్ కోవింద్. సాంస్కృతిక వారసత్వాన్ని పరిరక్షించడానికి దీవ్ పాలనా యంత్రాంగం చేసిన కృషిని, పరిశుభ్రతను కాపాడుకోవడానికి చేపట్టిన కార్యక్రమాలను కోవింద్ ప్రశంసించారు.
పాలనా యంత్రాంగంపై ప్రశంసల జల్లు
ఈ కార్యక్రమంలో మాట్లాడిన కోవింద్.. ఆపరేషన్ విజయ్ ద్వారా 1961లో పోర్చుగల్ నుంచి ఈ దీవులను పొందామని గుర్తు చేసుకున్నారు. అప్పటి నుంచి అంచెలంచెలుగా అభివృద్ధి చెందిందన్నారు. 2019లో స్వచ్ఛ సర్వేక్షణ్ సర్వేలో తొలి స్థానాన్ని దక్కించుకుందని గుర్తు చేసుకున్నారు. 100శాతం సౌర విద్యుత్ను వినియోగించుకుంటున్న నగరంగా దీవ్ను తీర్చిదిద్దిన అధికారులను కొనియాడారు. చారిత్రక, సాంస్కృతి వారసత్వ ప్రదేశాలను పరిరక్షించి, అందంగా తయారు చేశారన్నారు. దీవ్లో ఏర్పాటు చేసిన విద్యా కేంద్రంపై ప్రశంసలు కురిపించారు. కేంద్ర పాలిత ప్రాంతంలో వోకల్ ఫర్ లోకల్, ఆత్మనిర్భర్ భారత్ వేగంగా ముందుకు వెళ్తుండటంపై హర్షం వ్యక్తం చేశారు.
ఇదీ చూడండి: ఆ భవనాలు కూల్చి ఎంపీ కార్యాలయాల నిర్మా
ణం
