తమిళనాడు: రైలు ఢీకొని నలుగురు విద్యార్థులు మృతి

రైలు ఢీకొని నలుగురు విద్యార్థులు మృతి చెందిన ఘటన తమిళనాడు కోయంబత్తూర్​ జిల్లా ఇరుగూర్​లో చోటుచేసుకుంది. ప్రమాదంలో మరొక విద్యార్థి తీవ్రంగా గాయపడ్డాడు. ఈ ఐదుగురు విద్యార్థులు మద్యం సేవించి రైలు పట్టాలపై నడుచుకుంటూ వెళ్తున్న సమయంలో ఈ ఘటన జరిగిందని పోలీసులు తెలిపారు.

తమిళనాడు కోయంబత్తూర్​ జిల్లా ఇరుగూర్​లో ఘోర ప్రమాదం జరిగింది. రైలు పట్టాల మీద నడుచుకుంటూ వెళ్తున్న ఐదుగురు విద్యార్థులను అకస్మాత్తుగా వెనుక వైపు నుంచి వచ్చిన అలప్పుజ-చెన్నై ఎక్స్‌ప్రెస్​ రైలు ఢీ కొట్టింది. ఈ ఘటనలో నలుగురు విద్యార్థులు అక్కడికక్కడే మృతి చెందారు. మరొక విద్యార్థి తీవ్రంగా గాయపడ్డాడు.

సమాచారం అందుకున్న పోలీసులు ఘటనా స్థాలానికి చేరుకొని గాయపడిన విద్యార్థిని ఆసుపత్రికి తరలించారు. చనిపోయిన వారిని సోతిక్ రాజా, రాజశేఖర్, కరుపస్వామి, గౌతమ్​గా అధికారులు గుర్తించారు. గాయపడిన విద్యార్థి పేరు విశ్వనేశ్​ అని పోలీసులు వెల్లడించారు. కేసు నమోదు చేసుకొని విచారణ ప్రారంభించారు. ఈ ఐదుగురు విద్యార్థులు మద్యం సేవించి రైలు పట్టాల మీద నడుచుకుంటూ వెళ్తున్న సమయంలో ఈ ఘటన జరిగిందని తెలిపారు పోలీసులు.

ఇదీ చూడండి:అయోధ్య రామాలయం కోసం 2,100 కిలోల గంట