శ్రీనగర్లో ముగ్గురు ముష్కరులు హతం
శ్రీనగర్ లోని జాదిబాల్లో జరిగిన ఎన్కౌంటర్లో తాజాగా ఇద్దరు ముష్కరులు హతమయిన నేపథ్యంలో.. మృతుల సంఖ్య మూడుకు చేరింది.
నిఘా వర్గాల కచ్చితమైన సమాచారం మేరకు జాదిబాల్ ప్రాంతంలో భద్రతాబలగాలు నిర్బంధ తనిఖీలు చేపట్టాయి. ఈ నేపథ్యంలో ఉగ్రవాదులు కాల్పులకు తెగబడ్డారు. సమాధానంగా భద్రతా సిబ్బంది ఎదురుకాల్పులు చేశారు. ఈ ఆపరేషన్లో ఇప్పటివరకు ముగ్గురు ముష్కరులు హతమయ్యారు. మృతుల వివరాలు తెలియరాలేదని అధికారులు ప్రకటించారు. ముష్కరుల ఏరివేత కోసం ఇప్పటికే అంతర్జాల సేవలు నిలిపేశారు. ప్రజా రవాణాపై ఆంక్షలు విధించారు. ఆపరేషన్ కొనసాగుతోంది.
