మహారాష్ట్ర ముంబయిలోని ప్రసిద్ధ లాల్ బాగ్ రాజా గణేశ్ మండలి.. కరోనా విజృంభణ నేపథ్యంలో ఈ ఏడాది వినాయక చవితి ఉత్సవాలకు దూరంగా ఉంటున్నట్లు ప్రకటించింది. ముంబయిలో వైరస్ వ్యాప్తి, కేసుల పెరుగుదల కారణంగా రాబోయే గణేశ్ ఉత్సవాలను నిర్వహించకూడదని నిర్ణయించింది. ఉత్సవాలకు బదులుగా సీఎం రిలీఫ్ ఫండ్కు నిధులు అందిస్తామని, పాక్- చైనా సరిహద్దు వెంట అమరులైన జవాన్ల కుటుంబాలకు ఆర్థిక సాయం అందిస్తామని చెప్పారు నిర్వాహకులు. మంటపం ఏర్పాటు చేసే స్థలంలో కరోనా బాధితులకు రక్తదాన శిబిరాన్ని ఏర్పాటు చేసేందుకు సన్నాహాలు చేస్తున్నట్లు వెల్లడించారు. గణేశ్ నవరాత్రుల సమయంలో ఈసారి కొవిడ్ బాధితులకు ప్లాస్మాను సైతం అందిస్తామని పేర్కొన్నారు.
1934లో ప్రారంభమైన లాగ్‌బాగ్ రాజా గణేశ్ ఉత్సవాలు ఏటా ఘనంగా జరుగుతుంటాయి. ప్రత్యేకమైన ఇతివృత్తంతో గణేశుడిని ఏర్పాటు చేస్తుంటారు. గతేడాది అంతరిక్ష యాత్ర థీమ్తో ఉత్సవాలు నిర్వహించారు.
ఇదీ చూడండి: డ్రాగన్‌తో ఢీ అంటే 'టీ'.. యుద్ధ ట్యాంకర్లు మోహరించిన భారత్
