ముంబయి నాగ్‌పారా ప్రాంతంలోని క్వారంటైన్ కేంద్రంలో అగ్నిప్రమాదం సంభవించింది. బెలసీస్‌ రోడ్డులో ఉన్న రిప్పన్‌ హోటల్‌లో మంటలు ఎగసిపడ్డాయి. కొద్ది రోజుల క్రితమే ఈ హోటల్‌ను క్వారంటైన్ కేంద్రంగా మార్చి కరోనా బాధితులకు వసతి కల్పిస్తున్నారు.
సాయంత్రం 6:30 గంటల సమయంలో హోటల్‌లోని లాడ్జింగ్‌ రూంనుంచి ఒక్కసారిగా మంటలు ఎగిసిపడటం వల్ల ఆ పరిసరాల్లో పొగలు వ్యాపించాయి.
క్వారంటైన్‌లో ఉన్న బాధితులందరినీ అధికారులు రక్షించారు. ప్రమాదంలో ఎవరికీ గాయాలు కాలేదని వెల్లడించారు. అగ్నిమాపక సిబ్బంది సంఘటనా స్థలానికి చేరుకుని మంటలు అదుపు చేశారు.
