software engineer: కర్నూలులో యువకుల హల్​చల్​.. సాప్ట్​వేర్ ఇంజనీర్​పై దాడి

కర్నూలు నగరంలో గుర్తు తెలియని యువకులు ముఠా దాడులకు పాల్పడుతూ హల్​చల్​ చేస్తున్నారు. శనివారం సాయంత్రం కర్నూలు పోలీస్ స్టేషన్ పరిధిలోని బాలాజీ విల్లాస్​కు చెందిన జగదీశ్వర్ రెడ్డి అనే ఓ సాప్ట్​వేర్ ఇంజనీర్​పై దౌర్జన్యానికి తెగబడి దాడి చేశారు. అడ్డొచ్చిన వారిని సైతం యువకులు చితకబాదారు. గ్యాస్ సిలిండర్​తో జగదీశ్వర్ రెడ్డిని కొట్టబోయారు. చుట్టుపక్కల ఉన్నవారు అదుపు చేయడంతో జగదీశ్వర్ రెడ్డి ప్రాణాలతో బయటపడ్డాడు. ఈ యువకులు బి. తాండ్రపాడు గ్రామానికి చెందిన నాగరాజు అనే వ్యక్తిపై దాడికి పాల్పడడంతో పాటు జీ. పుల్లారెడ్డి పాలిటెక్నిక్ కళాశాల వాచ్​మెన్​తో పాటుగా మరికొంతమంది  విద్యార్థులపై సైతం దాడి చేశారు. దాడిలో గాయాల పాలైన జగదీశ్వర్ రెడ్డి, నాగరాజు కర్నూలు ప్రభుత్వ ఆసుపత్రిలో చికిత్స పొందుతున్నారు. ఈ ఘటనపై బాధితులు తాలూకా పోలీస్ స్టేషన్​లో ఫిర్యాదు చేశారు. దాడి చేసిన యువకులను  పోలీసులు త్వరగా అదుపులోకి తీసుకోవాలని స్థానికులు డిమాండ్ చేస్తున్నారు. దాడికి పాల్పడిన దృశ్యాలు సీసీ కెమెరాలో నమోదు అయ్యాయి.