Kannappa Movie Unit in Srikalahasteeswara Temple: శ్రీకాళహస్తీశ్వర ఆలయంలో కన్నప్ప చిత్ర బృందం సందడి

Kannappa Movie Unit In Srikalahasteeswara Temple: తిరుపతి జిల్లాలోని శ్రీకాళహస్తీశ్వర ఆలయంలో కన్నప్ప చిత్ర బృందం సందడి చేసింది. ప్రేక్షకులందర్ని ఆకట్టుకునేలా కన్నప్ప సినిమా చిత్రీకరణ చేపట్టనున్నట్లు మంచు విష్ణు తెలిపారు. ఈ సినిమా చిత్రీకరణ కోసం శ్రీకాళహస్తీశ్వరాలయంలో పూజలు నిర్వహించారు. మంచు మోహన్ బాబు, ఈ చిత్రంలో కథానాయికగా నటిస్తున్న నుపూర్ సన్నన్​తో పాటు చిత్ర బృందం ఆలయానికి చేరుకుని.. స్వామివారు, అమ్మవార్ల పూజ కార్యక్రమాలు చేపట్టారు. అనంతరం విష్ణు మాట్లాడుతూ అన్ని భాషల్లోని ప్రేక్షకులను ఆకట్టుకునే విధంగా సినిమా చిత్రీకరణ చేపడతామని వివరించారు. నెలఖారు నుంచి సినిమా ష్యూటింగ్ ప్రారంభించనున్నట్లు ప్రకటించారు.​ సుమారు ఐదు భాషల్లో ఈ చిత్ర నిర్మాణం చేపట్టబోతున్నట్లుగా ఆయన వివరించారు. న్యూజిలాండ్​తో పాటు భారత్​లోని పలు ప్రాంతాల్లో సినిమా చిత్రీకరణ చేపడుతున్నట్లు ప్రకటించారు. అనంతరం మోహన్​బాబు కుటుంబ సభ్యులతో కలిసి అభిషేక పూజధికాలు చేయించారు. ఈ కార్యక్రమంలో తితిదే చైర్మన్ భూమన కరుణాకర్ రెడ్డి పాల్గొన్నారు.