షిరిడీ సాయి ఆలయంలో దీపావళి ఉత్సవాలు - విద్యుత్​దీపాల కాంతులతో మెరిసిపోతున్న సాయిమందిరం

Diwali Celebration 2023 In Shirdi Saibaba Temple: దీపావళి ఈ పండుగను దేశవ్యాప్తంగా ఎంతో ఘనంగా జరుపుకుంటారు. అదే విధంగా సంప్రదాయం ప్రకారం షిరిడీ సాయిబాబా ఆలయంలోనూ దీపావళి పండగను ప్రతియేటా నిర్వహిస్తుంటారు. ఈ సంవత్సరం పండగ సందర్భంగా షిరిడీ సాయి ఆలయంలో ఉత్సవాలు ఘనంగా నిర్వహిస్తున్నారు. అయితే భువనేశ్వర్​కు చెందిన ఓ భక్తుని విరాళంతో ఆలయం విద్యుత్​ కాంతులతో శోభిల్లుతోంది. ఆలయంతోపాటు ఆలయ ప్రాంగణమంతా.. విద్యుత్​ దీపాలతో వెలుగులు విరజిమ్ముతోంది. 

దీపావళి సందర్భంగా ద్వారకామాయిలో దీపాలు వెలిగించడానికి సాయిబాబా నీటిని ఉపయోగించారని పురణాలు వివరిస్తున్నాయి. అందువల్ల షిరిడీలో దీపావళి పండుగకు ప్రాముఖ్యత ఉంది. చాలా మంది సాయిబాబా భక్తులు దీపావళి పండగను జరుపుకోవడానికి షిర్డీకి వస్తారు. ఈ విధంగానే ఒడిశా రాష్ట్రంలోని భువనేశ్వర్​కు చెందిన దాస్​ గుప్తా అనే భక్తుడు.. సాయి సమాధితో పాటు ఆలయ ప్రాంతంలో విద్యుత్​ దీపాలను ఏర్పాటు చేశాడు.  

షిరిడీకి వచ్చే సాయి భక్తులు షిరిడీలోనే చాలా మంది బస చేస్తారు. అలాంటి వారి కోసం సాయితీర్థ థీమ్ పార్క్‌లోని.. భక్తులకు ప్రతిరోజూ ఉచిత లేజర్ షో కార్యక్రమం నిర్వహిస్తున్నారు. ఈ కార్యక్రమం షిరిడీ ఖ్యాతిని పెంపొందిస్తుందని.. షిరిడీ లోక్‌సభ నియోజకవర్గ పార్లమెంటు సభ్యులు సదాశివ లోఖండే పేర్కొన్నారు. మల్పాని ఉద్యోగ్ గ్రూప్ ఆధ్వర్యంలో లేజర్ షో ప్రారంభోత్సవ కార్యక్రమాన్ని ఏర్పాటు చేయగా.. ఆ కార్యక్రమంలో సదాశివ పాల్గొన్నారు.  మల్పాని ఉద్యోగ్ గ్రూప్ సభ్యులు మాట్లాడుతూ.. సాయితీర్థ థీమ్‌ పార్కుకు అత్యాధునిక సాంకేతిక పరిజ్ఞానాన్ని జోడించి రూపొందించి ఏర్పాటు చేయడం వల్ల.. భక్తులకు ఈ సరికొత్త లేజర్‌ షో ద్వారా అపూర్వ ఆధ్యాత్మిక అనుభూతి కలుగుతుందన్నారు.