ప్రేమిస్తున్నాడని యువకుడిని చితకబాదిన యువతి బంధువులు - వీడియో వైరల్

Girl Family Attacked A Young Man in AP: తూర్పుగోదావరి జిల్లా అనపర్తిలో అమానుషం చోటు చేసుకుంది. కుమార్తెను ప్రేమిస్తున్న యువకుడిని అమ్మాయి బంధువులు దుస్తులు విప్పించి చితకబాదిన ఘటన ఆలస్యంగా వెలుగు చూసింది. అనపర్తికి చెందిన ఓ యువతిని నెల్లూరుకు చెందిన ఓ యువకుడు ప్రేమించాడు. అమ్మాయి బంధువులు ఆ యువకుడిని అనపర్తికి రప్పించారు. బట్టలు విప్పించి చితకబాదారు. వీడియో కూడా తీశారు. ఆ యువకుడు కొట్టకండని ఎంత ప్రాధేయపడినా కనికరించలేదు.

 ఆ దృశ్యాలు సామాజిక మాధ్యమాల్లో వైరల్‌గా మారాయి. సీఐ (CI) శివగణేషను వివరణ కోరగా సామాజిక మాధ్యమాల్లో  వచ్చిన వీడియో ఆధారంగా విచారణ చేపట్టామని తెలిపారు. ఈ ఘటనపై ఎలాంటి ఫిర్యాదులు అందలేదని సీఐ తెలిపారు. ఘటనపై  స్థానిక వీఆర్​ఓ ఇచ్చిన ఫిర్యాదుపై కేసు నమోదు చేసినట్లు చెప్పారు.  పూర్తి స్థాయి విచారణ చేపట్టి వివరాలను వెల్లడిస్తామని తెలిపారు. వైరల్ వీడియో  (Viral video) తమ దృష్టికి వచ్చిందని, పూర్తి వివరాలు సేకరిస్తున్నామని.. తెలిపారు.