వివేకా హత్య కేసు: వాచ్​మెన్​ని విచారించిన సీబీఐ

మాజీ మంత్రి వైఎస్‌ వివేకానందరెడ్డి హత్య కేసుపై సీబీఐ దర్యాప్తు కొనసాగుతోంది. ఇప్పటికే వివేకా ఇల్లును క్షుణ్నంగా పరిశీలించిన అధికారులు...ఈ కేసులో అనుమానితుడిగా ఉన్న రంగన్నను విచారించారు.

వైఎస్ వివేకానంద రెడ్డి హత్య కేసులో సీబీఐ విచారణ కొనసాగుతోంది. 2019 మార్చి 15న వివేకా హత్య జరిగినపుడు వాచ్‌మెన్‌గా ఉన్న రంగన్నను పులివెందుల డీఎస్పీ కార్యాలయంలో సీబీఐ అధికారులు విచారిస్తున్నారు. హత్య గురించి తనకు ఏమీ తెలియదని.. ఈ విషయాన్ని ఇప్పటికే సిట్‌కు ఇచ్చిన వాంగ్మూలంలో తెలిపానని రంగన్న చెప్పినట్లు తెలిసింది.

ఇదీ చదవండి