'వైకాపా ప్రభుత్వం అన్నిరంగాల్లో విఫలం'

ఇన్​సైడర్ ట్రేడింగ్ అమరావతిలో కాదని..విశాఖలో జరిగిందని కడప జిల్లా తెదేపా అధ్యక్షుడు శ్రీనివాసరెడ్డి ఆరోపించారు. ఎనిమిది నెలల వైకాపా పాలన అన్ని రంగాల్లో విఫలమైందని ధ్వజమెత్తారు.

ప్రభుత్వం వ్యవహరించే తీరు చూసి ప్రజలు వైకాపాకు ఎందుకు ఓటు వేశామని బాధ పడుతున్నారని తెదేపా కడప జిల్లా అధ్యక్షుడు శ్రీనివాస రెడ్డి అన్నారు. కడపలో జరిగిన విలేకరుల సమావేశంలో మాట్లాడుతూ... 8 నెలల వైకాపా పాలన అన్ని రంగాల్లో విఫలం చెందిందని ధ్వజమెత్తారు. ప్రత్యేక హోదా తెస్తామని ఎన్నికల్లో చెప్పి అధికారంలోకి వచ్చి ఆ అంశాన్ని మరిచారని విమర్శించారు. ఎన్నికలలో ఇచ్చిన హామీలను నెరవేర్చకుండా మేనిఫెస్టోలో లేని మూడు రాజధానుల అంశాన్ని తెరపైకి తెచ్చారని అన్నారు. ఇన్ సైడర్​ ట్రేడింగ్ జరిగింది అమరావతిలో కాదని విశాఖలో అని ప్రభుత్వంపై విమర్శలు గుప్పించారు.

ఇదీ చదవండి : లైవ్ అప్​డేట్స్ : ఏపీ అసెంబ్లీ సమావేశాలు