రాజంపేటలో విషాదం- ఒకే రోజు తల్లి, తనయుడు మృతి

నవమాసాలు మోసి కనిపించిన బిడ్డ ఇక లేడని తెలుసుకున్న ఆ తల్లి మనసు తల్లడిల్లింది. బిడ్డ హత్యకు గురైన విషయం తెలుసుకున్న మరుక్షణం కుప్పకూలిపోయింది. కొడుకు మృతదేహం ఇంటికి చేరకముందే ఆమె మృత్యు ఒడిలోకి జారుకుంది.

కడప జిల్లా రాజంపేట కనకమ్మ వీధిలో విషాదం నెలకొంది. ఒకే రోజు తల్లి, కుమారుడు మృతి చెందారు. బాలాజీని గత నెల 29న కొందరు దాడి చేసి తీవ్రంగా గాయపరిచారు. తిరుపతి ఆసుపత్రిలో చికిత్స పొందుతూ శుక్రవారం మృతిచెందాడు. ఈ విషయం తెలుసుకున్న తల్లి భాగ్యమ్మకు(70) కుమారుడి మరణవార్త విని తట్టుకోలేకపోయింది. తీవ్ర మనోవేదనకు గురై కన్నుమూసింది.
మృతుడు బాలాజీకి ఇద్దరు కుమార్తెలు, కుమారుడు ఉన్నారు. ఏ ఆధారం లేని ఆ కుటుంబాన్ని ప్రభుత్వం ఆదుకోవాలని బంధువులు, స్థానికులు కోరుతున్నారు.

ఇవీ చూడండి-అధికారుల నిర్లక్ష్యం... పాపం. ఆ గేదెకు శాపం!!