కడప జిల్లా రైల్వేకోడూరులో నాటుసారా స్థావరాలపై పోలీసులు దాడులు చేశారు. జిల్లా అడిషనల్ సూపరింటెండెంట్ ఆఫ్ పోలీస్ చక్రవర్తి ఆదేశాల మేరకు కోడూరు స్పెషల్ ఎన్ఫోర్స్మెంట్ బ్యూరో ఇన్స్పెక్టర్ రామ్మోహన్ తమ సిబ్బందితో సోదాలు చేశారు. ఇద్దరు వ్యక్తులను అదుపులోకి తీసుకున్నారు. వీరి నుంచి 10 లీటర్ల నాటుసారాను స్వాధీనం చేసుకున్నారు. నిందితులు బాలిరెడ్డిపల్లికి చెందిన కె. సుబ్బరామయ్య, బుడగుంటపల్లికి చెందిన వెంకటేశ్వర్లుగా గుర్తించారు. కోడూరు పరిసరాల ప్రాంతాల్లో అక్రమంగా మద్యం, నాటుసారా విక్రయించిన వారిపై కఠిన చర్యలు తీసుకుంటామని అధికారులు హెచ్చరించారు.
ఇవీ చదవండి
