పులివెందులలో ఆర్టీసీ బస్సు సర్వీసులు పునఃప్రారంభం

కడప జిల్లా పులివెందులలో లాక్​డౌన్​ అనంతరం ప్రభుత్వ ఆంక్షలతో ఆర్టీసీ సర్వీసులను అధికారులు గురువారం పునఃప్రారంభించారు. ప్రయాణికులకు మాస్కులు లేకుండా అనుమతించబోమని తెలియజేశారు. బస్సు ఎక్కే ముందు శానిటైజర్​ స్ప్రై చేయించారు. టికెట్​ కౌంటర్​లో భౌతిక దూరం పాటించాలని ప్రయాణికులకు సూచించారు.

కడప జిల్లా పులివెందులలో రెండు నెలల లాక్‌డౌన్‌ అనంతరం ఆర్టీసీ బస్సులు రోడ్డెక్కాయి. పులివెందుల డిపో నుంచి కడప నాన్ స్టాప్ సర్వీసును గురువారం పులివెందులలో మున్సిపల్​ కమిషనర్, ఆర్టీసీ డిపో మేనేజర్, సీఐ భాస్కర్​రెడ్డి, మున్సిపల్ చైర్మన్​ అభ్యర్థి వరప్రసాద్ పునఃప్రారంభించారు. కరోనా వ్యాప్తి నివారణ చర్యల్లో భాగంగా ప్రయాణికులకు ముందుగా శానిటైజర్​ స్ప్రే చేశారు. మాస్కులు లేనివారికి మాస్కులు కచ్చితంగా ధరించాలని సూచించారు. లేనిచో బస్సు లోనికి అనుమతి లేదని తెలిపారు. అలాగే భౌతిక దూరం పాటిస్తూ రిజర్వేషన్ కౌంటర్​లో టిక్కెట్లు తీసుకోవాలని తెలియజేశారు. పులివెందుల డిపోలో గురువారం నుంచి 20 బస్సులను మూడు రూట్లలో మాత్రమే నడిపారు.

ఇదీ చదవండి :