'గతేడాదితో పోల్చితే ఈ సంవత్సరం కేసులు తగ్గాయి'

కడప జిల్లాలో 2020 సంవత్సరంలో నమోదైన వివిధ విభాగాల కేసుల వివరాలను జిల్లా పోలీసు అధికారి అన్బురాజన్ వెల్లడించారు. గతేడాది పోల్చుకుంటే ఈ సంవత్సరం నేరాల సంఖ్య తగ్గుముఖం పట్టిందన్నారు. ఫ్యాక్షనిజంపై ఉక్కుపాదం మోపి ప్రజలకు శాంతి భద్రతలు కల్పించడంలో ఏమాత్రం వెనుకంజ వేయలేదన్నారు

కడప పోలీస్ కార్యాలయంలోని పెన్నార్ సమావేశ మందిరంలో 2020 సంవత్సరానికి సంబంధించిన నేరాల వివరాలను జిల్లా పోలీసు అధికారి అన్బురాజన్ వెల్లడించారు. గడిచిన ఏడాది కన్నా 2020లో ఎర్రచందనం కేసులు పెరిగాయని తెలిపారు. మొత్తంగా 2019 కన్నా 2020లో నేరాల సంఖ్య తగ్గుముఖం పట్టిందన్నారు.

సాంకేతిక పరిజ్ఞానంతో నేరాలను కట్టడి చేశామని అన్బురాజన్ తెలిపారు. ముఖ్యంగా ఫ్యాక్షనిజంపై ఉక్కుపాదం మోపి.. ప్రజలకు శాంతి భద్రతలు కల్పించడంలో ఏమాత్రం వెనుకంజ వేయలేదన్నారు.

కడప జిల్లాలో వివిధ విభాగాల్లో నమోదైన కేసులు:

విభాగం	2019	2020
రోడ్డు ప్రమాదాలు	1320	1158
మృతులు	540	447
ఎర్ర చందనం కేసులు	48	54
అరెస్ట్ అయిన వారి సంఖ్య	223	283
స్వాధీనం చేసుకున్న దుంగలు	887	643
హత్యలు	59	50
మహిళలపై వేధింపుల కేసులు	818	638

ఇదీ చదవండి :