టిడ్కో ఇళ్లలోకి ప్రవేశించేందుకు ప్రయత్నించిన సీపీఐ నాయకులు అరెస్ట్​

టిడ్కో ఇళ్లలోకి ప్రవేశించేందుకు సీపీఐ నాయకులు ప్రయత్నించగా పోలీసులు అడ్డుకున్నారు. సుమారు పది మందిని అరెస్టు చేసినట్లు తెలిపారు.

కడప జిల్లా జమ్మలమడుగు పట్టణంలోని టిడ్కో ఇళ్లలోకి లబ్ధిదారులతో సామూహిక గృహ ప్రవేశాలు చేయిస్తామని సీపీఐ పిలుపునిచ్చింది. దీంతో పోలీసులు టిడ్కో గృహాల వద్ద గట్టి బందోబస్తు ఏర్పాటు చేశారు . గత ప్రభుత్వ హాయాంలో నిరుపేదల కోసం నిర్మించిన 1415 గృహాల్లో ... 1100 ఇళ్లకు లబ్ధిదారులు అడ్వాన్సులు కూడా చెల్లించారని సీపీఐ నాయకులు చెప్పారు . అయినప్పటికి ప్రభుత్వం లబ్ధిదారులకు ఇళ్లను అందించక పోవటం అన్యాయం అని అన్నారు. ఈ క్రమంలో టిడ్కో ఇళ్లలోకి ప్రవేశించేందుకు సీపీఐ నాయకులు ప్రయత్నించగా... సుమారు పది మందిని పోలీసులు అరెస్టు చేశారు. త్వరగా లబ్ధిదారులకు ఇళ్లను కేటాయించాలని లేకుంటే ఉద్యమాన్ని తీవ్రతరం చేస్తామని సీపీఐ నాయకులు హెచ్చరించారు.

ఇదీ చదవండీ...టిడ్కో ఇళ్లలో వందల కోట్లు దోచుకున్నారు: మంత్రి బొత్స