కడప జిల్లా రాజుపాలెం మండలం కులూరు గ్రామంలో విషాదం చోటు చేసుకుంది. మట్టి మిద్దె కూలి దంపతులు అక్కడికక్కడే ప్రాణాలు వదిలారు. గత నాలుగు రోజులుగా కురుస్తున్న వర్షాలకు మిద్దె పూర్తిగా తడవడంతో ఈ తెల్లవారుజామున పైకప్పు కూలిపోయింది. ఆ గదిలో నిద్రిస్తున్న పెద్దిరెడ్డి శ్రీనివాసులు, సావిత్రి దంపతులు ఈ ప్రమాదంలో మృతి చెందారు. మరో గదిలో ఉన్న శ్రీనివాసులు తల్లి, కుమార్తె ప్రమాదం నుంచి తృటిలో తప్పించుకున్నారు. తల్లిదండ్రులు మృతి చెందడంతో కుమార్తె సాయిశ్రీ కన్నీరుమున్నీరుగా విలపిస్తోంది. రాజుపాలెం ఎస్ఐ లక్ష్మీనారాయణ ఘటనా స్థలానికి చేరుకొని మృతదేహాలను పరిశీలించారు.
ఇవీ చూడండి...
