కడప జిల్లా రైల్వేకోడూరులో నలుగురు వ్యక్తులకు కరోనా నిర్ధరణ అయినట్లు వైద్యాధికారులు తెలిపారు. ఓ దినపత్రికలో పనిచేస్తున్న పాత్రికేయుడితో పాటు.. రెడ్డివారిపల్లి, ఊర్లగట్టుపొడు, సియ్యవరంకమ్మపల్లిలో ఒక్కోకేసు చొప్పున నమోదైనట్లు అధికారులు వెల్లడించారు. దీంతో వారితో ప్రైమరీ కాంటాక్టు ఉన్న వ్యక్తులను ఆదివారం 11 మందిని, సోమవారం 21 మందిని కడప క్వారంటైన్కు తరలించినట్లు తెలిపారు.
ఈనెల 3న రైల్వేకోడూరు పట్టణంలోని పోలీస్ స్టేషన్లో విధులు నిర్వహిస్తున్న 19 మంది పోలీసు సిబ్బందికి కరోనా పరీక్షలు నిర్వహించగా.. వారందరికీ నెగిటివ్ నివేదిక వచ్చినట్లు సీఐ ఆనందరావు తెలిపారు. దీంతో పోలీసులు ఊపిరి పీల్చుకున్నారు.
