న్యాయమూర్తిపై ఫేస్​బుక్​లో తప్పుడు పోస్టులు.. సీబీఐ అదుపులో వ్యక్తి!

ఓ న్యాయమూర్తిని విమర్శిస్తూ.. సామాజిక మాధ్యమాల్లో తప్పుడు ప్రచారాలు చేసిన కడప వాసిని.. విజయవాడ సీబీఐ అధికారులు అదుపులోకి తీసుకున్నారు. మరింతమందికి ఈ వ్యవహారంలో పాత్ర ఉందని.. వారిని సైతం పట్టుకునేందుకు దర్యాప్తు చేస్తున్నారని తెలుస్తోంది.

న్యాయమూర్తిపై సామాజిక మాధ్యమాల్లో తప్పుడు సందేశాలు పోస్ట్ చేశారన్న ఆరోపణలపై.. కడపకు చెందిన వ్యక్తిని సీబీఐ అధికారులు అదుపులోకి తీసుకుని విచారణ చేస్తున్నారు. మరింతమందిని అరెస్టు చేసే దిశగా దర్యాప్తు చేస్తున్నారు. ఈ వ్యవహారంపై.. విజయవాడ నుంచి సీబీఐ సిబ్బంది.. నిన్న సాయంత్రం కడప చేరుకుని దర్యాప్తు చేశారు.

ఈ విచారణను అధికారులు అత్యంత గోప్యంగా నిర్వహిస్తున్నారు. ప్రస్తుతం వారి అదుపులో ఉన్న వ్యక్తి ఎవరు? ఈ వ్యవహారంతో ఇంకెంత మందికి సంబంధం ఉంది అన్న విషయాలపై స్పష్టత రావాల్సి ఉంది.

ఇదీ చదవండి: