కడప జిల్లాలోని పులివెందులలో టన్ను అరటి ధర 8వేల రూపాయల వరకు ఉండగా... రాజంపేటలో మాత్రం మూడు వేల రూపాయల లోపు ఉండడం ఏమిటని వ్యాపారులను డీఎస్పీ నారాయణస్వామిరెడ్డి ప్రశ్నించారు. అక్కడి వ్యాపారులకు గిట్టుబాటు ధర ఇక్కడి వ్యాపారులకు ఎందుకు రావడం లేదన్నారు. పంట చేతికి వచ్చే సమయంలో కరోనా కారణంగా రవాణా స్తంభించడంతో అరటి రైతులు తీవ్రంగా నష్టపోయారని ఆవేదన వ్యక్తం చేశారు.
ఇలాంటి సమయంలో వ్యాపారులు లాభాపేక్ష చూసుకోకుండా రైతుల పట్ల సానుకూలంగా వ్యవహరించాలని సూచించారు. గిట్టుబాటు ధరకు కొనకపోతే పులివెందుల అరటి వ్యాపారులను రాజంపేట పిలిపించి వారితో కొనిపిస్తామని హెచ్చరించారు. కరోనా బూచి చూపి దళారులు రైతులను నట్టేట ముంచుతున్నారని ఈ ప్రాంతానికి చెందిన రైతు వెంకటరాజు అధికారుల ముందు వాపోయారు. కష్టపడి పండించిన పంటను అమ్ముకోలేక దళారుల చేతుల్లో మోసపోతున్నామని రైతులు ఆవేదన వ్యక్తం చేశారు .
ఇదీ చూడండి రక్షకులకు గొడుగులు అందించిన డీఎస్పీ
