బీటెక్‌ రవికి 14 రోజులు రిమాండ్.. కడప కేంద్ర కారాగారానికి తరలింపు..

పులివెందుల కోర్టులో బీటెక్‌ రవిని పోలీసులు హాజరుపరిచారు. పులివెందుల మేజిస్ట్రేట్‌ కోర్టు 14 రోజులు రిమాండ్‌ విధించింది. ఈ క్రమంలో కడప కేంద్ర కారాగారానికి తెదేపా ఎమ్మెల్సీ బీటెక్‌ రవిని పోలీసులు తరలించారు. 2018 మార్చి 4న పులివెందులలో జరిగిన ఘర్షణ కేసులో బీటెక్‌ రవిని ఆదివారం పోలీసులు చెన్నైవిమానాశ్రయంలో అరెస్టు చేశారు.

కడపజిల్లాకు చెందిన తెదేపా ఎమ్మెల్సీ బీటెక్ రవిని పోలీసులు పులివెందుల కోర్టులో హాజరుపరిచారు. ఆయనకు మెజిస్ట్రేట్ 14 రోజుల రిమాండు విధించారు. ఈనెల 18వ తేదీ వరకు రిమాండ్​ విధించింది. కోర్టు ఆదేశాల మేరకు బీటెక్ రవిని కడప కేంద్రకారాగానికి తరలించారు.

2018 మార్చి 4న పులివెందులలో జరిగిన తెదేపా, వైకాపా వర్గాల ఘర్షణ కేసులో నిందితుడుగా ఉన్న బీటెక్ రవిని పోలీసులు నిన్న మధ్యాహ్నం చెన్నై విమానాశ్రయంలో అరెస్ట్ చేశారు. అక్కడి నుంచి కడప జిల్లా పోలీసులు బీటెక్ రవిని అర్ధరాత్రి పులివెందుల తీసుకొచ్చారు. ఉదయం 7.30 గంటల సమయంలో పులివెందుల మెజిస్ట్రేట్ ముందు హాజరుపరచగా.. 14రోజుల రిమాండు విధించారు.

బీటెక్ రవిని చూసేందుకు ఆయన భార్య, కుటుంబ సభ్యులు నిన్న అర్థరాత్రి నుంచి వేచి చూస్తున్నారు. అయినా రవిని చూసేందుకు అనుమతి ఇవ్వలేదని కుటుంబ సభ్యులు ఆరోపిస్తున్నారు.

బీటెక్‌ రవికి 14 రోజులు రిమాండ్.. కడప కేంద్ర కారాగారానికి తరలింపు..

ఇదీ చదవండి: తెదేపా ఎమ్మెల్సీ బీటెక్‌ రవి అరెస్టు