ఆదివారం కురిసిన వర్షానికి గుంజన నదిలో నీటి ఉద్ధృతి పెరిగి.. వంతెన కొట్టుకుపోయి రైల్వే కోడూరు నుంచి చిట్వేలికి వెళ్లే రహదారి మార్గంలో రాకపోకలు నిలిచిపోయాయి. రైల్వే కోడూరు నుంచి చిట్వేలి ప్రధాన రహదారికి చేరుకోవాలంటే గుంజన ఏరు దాటాల్సి ఉంటుంది. వర్షాలు వచ్చినప్పుడు బ్రిడ్జి పైన నీళ్ళు వచ్చి రాకపోకలు అంతరాయం కలిగేవి. తెదేపా ప్రభుత్వ హయాంలో బ్రిడ్జి నిర్మాణం చేపట్టారు. వాహనదారులకు ఇబ్బంది కలగకుండా తాత్కాలిక వంతెన ఏర్పాటు చేశారు. ఆదివారం కురిసిన వర్షానికి నది ఉద్ధృతి పెరగి వంతెన కొట్టుకుపోయింది. స్పందించిన వంతెన నిర్మాణ కాంట్రాక్టర్ జెసీబీ పెట్టి తాత్కాలికంగా మట్టి వేశారు. ఈ చర్యతో వాహనదారులు ఊపిరి పీల్చుకున్నారు. ఇప్పటికీ బస్సులు, ఆటోలు ఆ దారిలో వెళ్లేందుకు వీలు లేక ప్రయాణికులు ఇక్కట్లు పడుతున్నారు. బ్రిడ్జి నిర్మాణం త్వరితగతిన పూర్తి చేయాలని ప్రజలు కోరుకుంటున్నారు.
ఇవీ చదవండి...'రాష్ట్రంలో పలుచోట్ల వర్షాలు'
