పారిశుద్ధ్య కార్మికులు, పేదలకు అరటి గెలల పంపిణీ

కడప జిల్లా రైల్వేకోడూరు నియోజకవర్గంలో పారిశుద్ధ్య కార్మికులకు, పేదలకు అరటిగెలలను రైతులు పంచిపెట్టారు. అరటి దిగుబడి ఎక్కువ వచ్చినా.. లాక్​డౌన్​ కారణంగా వ్యాపారులు కొనేందుకు మొగ్గు చూపటం లేదని వాపోయారు.

అరటి పంట ఎక్కువగా వచ్చినా... అమ్ముకోలేని స్థితిలో ఉన్నామని కడప జిల్లా రైల్వే కోడూరు నియోజకవర్గ రైతులు వాపోతున్నారు. గెలలను కొనేందుకు ఎవరూ ముందుకు రాకపోవడం వల్ల రైతు సుధాకర్​ రాజు, ఆదర్శ రైతు వెంకట రామరాజు... పట్టణంలో పారిశుద్ధ్య కార్మికులకు, పేదవారికి బుధవారం పంపిణీ చేశారు. వేల ఎకరాల్లో పండించిన అరటి పంట కొనేందుకు ఎవరూ రాకపోవడం వల్ల తోటలోనే పండ్లు పాడైపోతున్నాయని ఆవేదన చెందారు.

ఇదీ చదవండి: