అలా అయితే రాజీనామా చేస్తా: ఉపముఖ్యమంత్రి అంజద్ బాషా

ఎన్‌ఆర్‌సీపై కేంద్రం ముందుకెళ్తే రాజీనామాకైనా సిద్ధమని ఉపముఖ్యమంత్రి అంజద్‌బాషా పేర్కొన్నారు. తనకు పదవులు ముఖ్యం కాదని స్పష్టం చేశారు. ఎన్​ఆర్​సీ, సీఏఏకు వ్యతిరేకంగా కడప పాత కలెక్టరేట్ వద్ద 15 రోజులుగా రిలే దీక్షలు చేస్తున్న ముస్లింలకు మద్దతుగా ఆయన ర్యాలీ నిర్వహించారు. ఎన్‌ఆర్‌సీకి వ్యతిరేకంగా ఎంతవరకైనా పోరాటం చేస్తానన్నారు. ఈ అంశంపై అసెంబ్లీలో తీర్మానానికి సీఎంతో మాట్లాడతానని చెప్పారు. ఎన్డీయేలో చేరాల్సిన దౌర్భాగ్యం వైకాపా ప్రభుత్వానికి లేదన్నారు. భవిష్యత్తులోనూ భాజపాతో కలిసే ప్రసక్తే లేదని స్పష్టం చేశారు. బీసీలు, మైనారిటీల కోసం పనిచేస్తున్న పార్టీ వైకాపా అని అంజద్‌బాషా ఉద్ఘాటించారు.