తెదేపా తరఫున సినీ నటి రేవతి ప్రచారం

తెదేపా తరఫున రాష్ట్రమంతా పర్యటిస్తున్న సినీనటి రేవతి... నేడు ఏలూరులో ప్రచారం నిర్వహించింది. రాష్ట్రాభివృద్ధి తెదేపాతోనే సాధ్యమని వివరిస్తూ... సైకిల్ గుర్తుకు ఓటేయాలని ప్రజలను అభ్యర్థించారు.

తెదేపా స్టార్ క్యాంపెయినర్, సినీ నటి రేవతి చౌదరి ప్రచారాన్ని ముమ్మరం చేశారు. పశ్చిమగోదావరి జిల్లా ఏలూరు తెదేపా ఎమ్మెల్యే అభ్యర్థి బడేటి బుజ్జి, పార్లమెంటు అభ్యర్థి మాగంటి బాబు తరఫున పట్టణంలో ఆమె జోరుగా ప్రచారం చేశారు. 44 డివిజన్లో ఇంటింటికి వెళ్లి ఓటర్లను కలిసి తెదేపా ప్రభుత్వం ప్రవేశపెట్టిన సంక్షేమ పథకాలువివరించారు. సైకిల్ గుర్తుకు వేసి అత్యధిక మెజార్టీతో గెలిపించాలని కోరారు. రాష్ట్ర ప్రభుత్వం అందిస్తున్న పథకాల పట్ల ప్రజలు సంతృప్తిగా ఉన్నారనిఅన్నారు. మహిళలకు అందించిన పసుపు కుంకుమ, ఎన్టీఆర్ గృహాలు వంటి ఎన్నో పథకాలు ప్రజల ఆదరణ పొందాయని తెలిపారు.