ద్వారకా తిరుమలేశుడిని దర్శించుకున్న హైకోర్టు న్యాయమూర్తులు

పశ్చిమ గోదావరి జిల్లా ద్వారకాతిరుమల శ్రీ వెంకటేశ్వర స్వామి వారిని... రాష్ట్ర హైకోర్టు న్యాయమూర్తులు జస్టిస్ ఎన్. జయసూర్య, జస్టిస్ కే. సురేష్ రెడ్డి దర్శించుకున్నారు. అనంతరం స్వామివారికి ప్రత్యేక పూజలు చేశారు.

ప్రముఖ పుణ్యక్షేత్రమైన పశ్చిమగోదావరి జిల్లా ద్వారకా తిరుమల శ్రీవారి ఆలయాన్ని రాష్ట్ర హైకోర్టు న్యాయమూర్తులు జస్టిస్ ఎన్. జయసూర్య, జస్టిస్ కే. సురేష్ రెడ్డి సందర్శించారు. ఆలయానికి విచ్చేసిన న్యాయమూర్తులకు ఆలయ అధికారులు ఘన స్వాగతం పలికారు. అనంతరం స్వామి అమ్మవార్లను దర్శించుకుని ప్రత్యేక పూజలు చేశారు. ఆలయ ముఖ మండపంలో న్యాయమూర్తులకు... అర్చకులు, పండితులు శ్రీవారి శేష వస్త్రాలతో సత్కరించి, స్వామివారి చిత్రపటం, తీర్థ ప్రసాదాలు అందించారు.

ఇదీచదవండి.