కరోనా విజృంభణ...తణుకులో మళ్లీ లాక్​డౌన్

తణుకు నియోజకవర్గంలో కరోనా మహమ్మారి విజృంభిస్తోంది. ఈ క్రమంలో సోమవారం నుంచి తణుకులో లాక్​డౌన్​ విధించారు అధికారులు. ప్రజలంతా లాక్​డౌన్​కి సహకరించాలని ఎమ్మెల్యే నాగేశ్వరరావు కోరారు.

కరోనా కేసులు పెరుగుతున్నందున పశ్చిమ గోదావరి జిల్లా తణుకులో సడలింపులతో కూడిన లాక్​డౌన్ విధించారు. సోమవారం నుంచి పట్టణ పరిధిలోని దుకాణాల అనుమతి సమయాన్ని కుదించారు. ఉదయం 7 గంటల నుంచి మధ్యాహ్నం 2 గంటల వరకు మాత్రమే అమ్మకాలు జరుపుకునేందుకు అవకాశం ఇచ్చారు. నిత్యావసరాలకు మాత్రం లాక్​డౌన్ నుంచి మినహాయింపునిచ్చారు. మిగిలిన వర్తక, వాణిజ్య సంస్థలు మూతబడ్డాయి. వైద్య అవసరాల కోసం వచ్చే వారిని మాత్రం పట్టణంలోకి అనుమతించారు. లాక్​డౌన్​కు ప్రజలందరూ సహకరించాలని నియోజకవర్గ ఎమ్మెల్యే కారుమూరి వెంకట నాగేశ్వరరావు, అధికారులు కోరారు.

ఇదీ చదవండి: విశాఖలో కొవిడ్ పరీక్షలకు భయపడి మహిళ పరారీ