వైద్యం చేయించాలంటే డోలీ మోయాల్సిందే.. !

ఎక్కడో దూరంగా విసిరేసినట్టు ఉండే గూడేలు వారివి. కనీస సౌకర్యాలు అంతంత మాత్రమే. ఇక ఎవరికైనా జబ్బు చేస్తే దేవుడిపై భారం వేయాల్సిందే. రోగిని డోలిపై మోస్తూ కొండలు, వాగులు, వంకలు దాటుతూ ప్రయాణం చేయాల్సిందే. తాజాగా పురిటి నొప్పులు పడుతున్న ఓ మహిళను డోలీలో ఆస్పత్రికి తరలించిన ఘటన విజయనగరం జిల్లా కురుపాంలో... అక్కడి పరిస్థితికి అద్దం పట్టింది.

విజయనగరం జిల్లా పార్వతీపురం ఐటీడీఏ పరిధిలోని కురుపాం మండలం వలసబల్లేరు గ్రామపంచాయతీ చాపరాయిగూడ గ్రామానికి చెందిన ఓ మహిళ పురిటి నొప్పులతో ఇబ్బందులు పడింది. గమనించిన కుటుంబీకులు బాధితురాలని డోలిపై మోస్తూ.. కొండలు, వాగులు దాటుతూ... 4 కిలోమీటర్లు నడిచి ఫీడర్ అంబులెన్స్ సహాయంతో ఆస్పత్రికి తరలించారు. తమ గ్రామానికి సరైన రహదారి లేక తీవ్ర ఇబ్బందులు పడుతున్నామని గ్రామవాసులు ఆవేదన వ్యక్తం చేస్తున్నారు.

ఇదీ చదవండి: