విజయనగరం జిల్లా జియ్యమ్మవలస మండలం చినమేరంగి గ్రామంలో నాటుసారా తయారీ కేంద్రాలపై పోలీసులు దాడులు నిర్వహించారు. గ్రామ శివారులో కాలువ గట్టు మీద నాటు సారా తయారు చేస్తున్నారన్న సమాచారంతో తనిఖీలు నిర్వహించినట్లు ఎస్సై శివప్రసాద్ తెలిపారు. ఈ దాడుల్లో ప్లాస్టిక్‌ డ్రమ్ముల్లో నిల్వ చేసిన 2 వేల లీటర్ల బెల్లపు ఊటను గుర్తించి ధ్వంసం చేశామని చెప్పారు. యాభై లీటర్ల సారాను, ఏడు సారా బట్టి సామాన్లను కూడా స్వాధీనం చేసుకున్నట్లు తెలిపారు. గ్రామంలో ఎవరైనా నాటుసారా తయారు చేసినా..అమ్మినా.. కఠినమైన చర్యలు తీసుకుంటామని హెచ్చరించారు.
ఇదీ చదవండి: కడపలో అక్రమ మద్యం పట్టివేత
