Theft Gang Arrested: విజయనగరం జిల్లా బొబ్బిలిలో పలు దొంగతనాలకు పాల్పడ్డ ముఠాను పోలీసులు అరెస్ట్ చేశారు. వారినుంచి చోరీకి గురైన సొత్తు స్వాధీనం చేసుకున్నారు. ఇందులో మైనర్ కూడా ఉన్నాడు. మైనర్ ఓ అమ్మాయిని ప్రేమించాడు. ఆ అమ్మాయి కాదనేది. ఆమె ప్రేమను పొందడం ఎలా అని స్నేహితుడ్ని సలహా అడిగాడు. ఒడిశాలో అమ్మాయిని వశపరుచుకునే మందు ఉందని.. దాని ధర లక్ష రూపాయలకు పైగా ఉందని చెప్పాడు. దీంతో దాని కొనుగోలుకు సిద్ధమయ్యాడు. మందు కొనేందుకు డబ్బు లేకపోవడంతో.. ఆ స్నేహితుడి సలహాల ప్రకారం చోరీలకు పాల్పడి పోలీసులకు చిక్కాడు.
ఈ కేసుపై సీఐ నాగేశ్వరరావు మాట్లాడుతూ.. బొబ్బిలిలో గత ఏడాది డిసెంబర్ 3న.. నవంబర్ 11న వరుస చోరీలకు పాల్పడింది పల్లెవీధికి చెందిన కె.కిరణ.. ఎం మనోహర్లని తెలిసి వారిని అరెస్టు చేశామన్నారు. ఎం మురళీకృష్ణ అలియాస్ నాని పరారీలో ఉన్నట్లు తెలిపారు. చెడు వ్యసనాలకు బానిసై.. అమ్మాయిల్ని వశపరుచునే మందు దొరుకుతుందని స్నేహితుడ్ని తప్పుదారి పట్టించిన కిరణ్.. తొలుత ఆన్లైన్ జూదాలు, చెడు వ్యసనాలతో అప్పులపాలు అయ్యాడు. వాటిని తీర్చేందుకు మైనర్తో దొంగతనాలు చేయించేవాడు. వీరంతా రాత్రి పూట వీడియో కాల్ ద్వారానే చేరీలకు పాల్పడేవారు. కిరణ్కు వీడియోకాల్ చేసి.. మిగిలిన వారు అతడు చెప్పినట్టు బీరువా తాళాలు తీయడం, గ్లౌజులు వేసుకోవడం చేసేవారని తెలిపారు.
ఇవీ చదవండి:
