గరుగుబిల్లి ఎంపీడీఓ వికృత చేష్టలు.. సస్పెన్షన్​ వేటు

విజయనగరం జిల్లా గరుగుబిల్లి మండలంలో పనిచేస్తున్న ఎంపీడీఓ జి. చంద్రరావు మద్యం సేవించి తన కార్యాలయంలోనే తోటి ఉద్యోగితో సభ్యసమాజం సిగ్గుపడేలా ప్రవర్తించాడు. ప్రతిరోజూ మద్యం సేవించి విధులకు హాజరవుతున్నట్లు ఆరోపణలు రావడం వల్ల కలెక్టర్​ సస్పెన్షన్​ వేటు వేశారు.

అతనో ప్రభుత్వ ఉద్యోగి.. అంతేకాదు కార్యాలయంలో అందరికన్నా ఉన్నతస్థాయి అధికారి..కాని అతని ప్రవర్తన మాత్రం అందరూ అసహ్యించుకునేలా ఉంది. ఇది ఎదో ఒక రోజు జరిగింది కాదు.. ప్రతిరోజూ ఇలాగే జరుగుతోంది.

విజయనగరం జిల్లా గరుగుబిల్లి మండలంలో పనిచేస్తున్న ఎంపీడీఓ జి. చంద్రరావు మద్యం సేవించి తన కార్యాలయంలోనే తోటి ఉద్యోగితో సభ్యసమాజం సిగ్గుపడేలా ప్రవర్తించాడు. ఇలా ప్రతిరోజూ మద్యం సేవించి విధులకు హజరవుతున్నాడని తోటి ఉద్యోగులు చెబుతున్నారు. అతని ప్రవర్తనపై విసుగు చెందుతున్నారు. మద్యం మత్తులో అసభ్యకరంగా ప్రవర్తిస్తాడని,.. కాసేపయ్యాక తన కుర్చీలోనే పడుకుంటాడని తెలిపారు. గతంలో అతను పని చేసిన కురుపాం ఎంపీడీఓ కార్యాలయంలో కూడా ప్రతిరోజూ మద్యం సేవించి విధులకు హాజరయ్యేవాడని.. ఇప్పటికీ తన తీరు మారలేదని అంటున్నారు.

అతని వికృత చేష్టల వీడియో వైరల్ కావడంతో సమాచారం అందుకున్న జిల్లా కలెక్టర్ సూర్యకుమారి.. చంద్రరావును సస్పెండ్ చేశారు. కార్యాలయ ఆవరణలో మద్యం సేవిస్తున్నట్టు ఫిర్యాదులు రావడంతో సస్పెండ్ చేసినట్లు కలెక్టర్ వెల్లడించారు. జిల్లా రెవెన్యూ అధికారిని విచారణ అధికారిగా నియమిస్తున్నట్లు కలెక్టర్ తెలిపారు. పని ఒత్తిడి వల్లే అతను ప్రతిరోజూ మద్యం సేవించి అలా ప్రవర్తిస్తున్నాడని కుటుంబ సభ్యులు చెప్పడం గమనార్హం.

ఇదీ చదవండి: MURDER: హత్య చేసి ప్రమాదంగా చిత్రీకరణ.. తల్లి ఫిర్యాదుతో వెలుగులోకి..