విజయనగరంలో జెండా ఆవిష్కరించనున్న మంత్రి వెల్లంపల్లి

విజయనగరం పోలీస్ పెరేడ్ గ్రౌండ్​లో రేపు మంత్రి వెల్లంపల్లి జెండా ఆవిష్కరణ చేయనున్నారని జిల్లా సంయుక్త కలెక్టర్ తెలిపారు. ఇందుకు సంబంధించిన కార్యక్రమాలన్నీ భౌతిక దూరం పాటించే విధంగా ఏర్పాట్లు చేయాలని తహసీల్ధార్​కు సూచించారు.

విజయనగరం స్థానిక పోలీస్ పరేడ్ గ్రౌండ్స్​లో నిర్వహించబోయే స్వాతంత్య్ర దినోత్సవ వేడుకల ఏర్పాట్లను జిల్లా సంయుక్త కలెక్టర్ డాక్టర్​ జీసీ కిషోర్ కుమార్ పరిశీలించారు. ఈ సందర్భంగా మాట్లాడుతూ.. జిల్లా ఇన్​ఛార్జ్ మంత్రి అయిన వెల్లంపల్లి శ్రీనివాసరావు జాతీయ జెండా ఆవిష్కరించనున్నారని వివరించారు. అందుకు సంబంధించిన వేదిక ఏర్పాట్ల పనులను జాగ్రత్తగా చూడాలని అధికారులను ఆదేశించారు. రేపు 9 గంటలకు జెండా ఆవిష్కరణ, గౌరవ వందనం స్వీకరణ, అనంతరం ప్రజలను ఉద్దేశించి మంత్రి ప్రసంగిస్తారని వివరించారు. వేదిక వద్ద ఏర్పాటు చేసిన కొవిడ్ స్టాల్​ను సందర్శించి.. కొవిడ్ వారియర్స్​ను మంత్రి అభినందించనున్నారని తెలిపారు. ఈ కార్యక్రమాలన్నీ భౌతిక దూరం పాటించే విధంగా ఏర్పాట్లు చేయాలని తహసీల్దార్ ప్రభాకరరావుకు సూచించారు.

ఇదీ చదవండి: అమరావతిపై రాష్ట్ర ప్రజల్లో చైతన్యం రావాలి: చంద్రబాబు