గజరాజుల బీభత్సం.. కళ్లాల్లో ధాన్యం ధ్వంసం

విజయనగరం జిల్లా జియ్యమ్మవలస మండల గ్రామాల్లో ఏనుగులు కల్లాల్లోని ధాన్యాన్ని ధ్వంసం చేశాయి. నష్టపోయిన రైతులు తీవ్ర ఆవేదన చెందుతున్నారు. ఏనుగులను వేరే ప్రాంతాలకు తరలించేందుకు అటవీశాఖాధికారులు చర్యలు చేపట్టాలని కోరుతున్నారు.

విజయనగరం జిల్లా జియ్యమ్మవలస మండలంలో ఏనుగులు స్వైర విహారంతో రైతులకు తీవ్ర నష్టం కలిగించాయి. మండలంలోని బిత్తర పాడు, బట్ల బద్ర, చీమల వలస గ్రామాల్లో గజరాజులు స్వైర విహారం చేశాయి. కళ్లాల్లో ఉన్న ధాన్యాన్ని నాశనం చేశాయి.

పొలాల్లోని మోటార్లు, ఇతర సామాగ్రిని ధ్వంసం చేశాయి. రైతులకు, పరిసర ప్రాంతాల గ్రామస్తులకు కంటి మీద కునుకు లేకుండా చేస్తున్న ఏనుగులను వేరే ప్రాంతానికి తరలించేందుకు అధికారులు చర్యలు చేపట్టాలని వారు కోరుతున్నారు.

ఇదీ చదవండి: