విజయనగరం జిల్లాలో 3 కరోనా పాజిటివ్ కేసులు.. అప్రమత్తమైన యంత్రాంగం

విజయనగరం జిల్లాలో తొలిసారి కరోనా కేసులు నమోదయ్యాయి. మొన్నటి వరకు గ్రీన్ జోన్​లో కొనసాగిన జిల్లాలో ఒక్కసారిగా 3 కేసులు వెలుగుచూశాయి. దీంతో ప్రజలు ఉలిక్కిపడ్డారు. జిల్లా యంత్రాంగం మరింత అప్రమత్తమైంది.

రాష్ట్రంలో ఒకే ఒక గ్రీన్ జోన్ జిల్లాగా ఉన్న విజయనగరంలో తొలిసారి 3 కరోనా పాజిటివ్ కేసులు నమోదయ్యాయి. మొదటి నుంచి జిల్లా గ్రీన్ జోన్​లో కొనసాగుతుండటంతో ప్రజలతో పాటు అధికారులు ఊపిరి పీల్చుకున్నారు. ఇలాంటి తరుణంలో ఒక్కసారిగా 3 కేసులు వెలుగులోకి రావటంతో జిల్లాలో ఆందోళన నెలకొంది. అప్రమత్తమైన జిల్లా యంత్రాంగం నివారణ చర్యలు చేపట్టింది.

ఇవీ చదవండి.. విజయనగరంలోనూ కరోనా.. రాష్ట్రంలో మరో 56 కేసులు!